ხშირად დასმული კითხვები
ყველაფერი, რაც 1 ივლისიდან ლარით ფასდადების შესახებ უნდა იცოდეთ

    1. როდიდან შედის ძალაში რეგულაციები საქონლის ან მომსახურების ფასის ლარით ფასდადებასთან დაკავშირებით?

  •  

    2017 წლის პირველი ივლისიდან მეწარმის მიერ საქართველოს ტერიტორიაზე ქონების რეალიზაციის ან/და მომსახურების გაწევის შეთავაზებისას ან/და რეკლამირებისას ფასი გამოხატული უნდა იყოს მხოლოდ ლარით.

     

    2. ვის ეხება რეკლამისა და ეროვნული ბანკის შესახებ კანონებსა და ადმინისტრაციულ სამართალდარღვევათა კოდექსში შესული ცვლილებები?

  •  

    “რეკლამის შესახებ” საქართველოს კანონით, „საქართველოს ეროვნული ბანკის შესახებ“ საქართველოს ორგანული კანონითა და საქართველოს ადმინისტრაციულ სამართალდარღვევათა კოდექსით გათვალისწინებული რეგულაციები ვრცელდება მხოლოდ მეწარმე სუბიექტებზე.

     

    3. ვინ იგულისხმება მეწარმე სუბიექტებში?

  •  

    კანონმდებლობით განისაზღვრება როგორც იურიდიული (შპს; სააქციო საზოგადოება და სხვა) ასევე, ფიზიკური პირები (ინდმეწარმეები).

     

    4. რა შემთხვევაში მოხდება მეწარმე სუბიექტის დაჯარიმება?

  •  

    მეწარმე სუბიექტი (როგორც იურიდიული, ისე ფიზიკური პირი - ინდმეწარმე) დაჯარიმდება თუკი მოხდება კანონმდებლობით მოთხოვნილი ნორმების დარღვევა.

     

    5. რა გამონაკლისებია დაშვებული აღნიშნული კანონმდებლობით?

  •  

    საქართველოს ეროვნული ბანკის შესახებ ორგანული კანონის 34-ე მუხლის შესაბამისად მეწარმის მიერ საქართველოს ტერიტორიაზე ქონების რეალიზაციის ან / და მომსახურების გაწევის შეთავაზებისას ან / და რეკლამირებისას ფასი გამოხატული უნდა იყოს მხოლოდ ლარით, აღნიშნულისგან განსხვავებული წესი შესაძლებელია დადგინდეს ეროვნული ბანკის შესაბამისი სამართლებრივი აქტით.
    გამონაკლისების სრული სია იხილეთ ეროვნული ბანკის პრეზიდენტის ბრძანებაში.

     

    6. ვინაა პასუხისმგებელი კანონის აღსრულებაზე?

  •  

    საქართველოს ეროვნული ბანკის შესახებ ორგანული კანონის 34-ე მუხლის შესაბამისად მეწარმის მიერ საქართველოს ტერიტორიაზე ქონების რეალიზაციის ან / და მომსახურების გაწევის შეთავაზებისას ან / და რეკლამირებისას ფასი გამოხატული უნდა იყოს მხოლოდ ლარით. აღნიშნული წესის დარღვევის შემთხვევაში ადმინისტრირება ხორციელდება საქართველოს ფინანსთა სამინისტროს სსიპ შემოსავლების სამსახურის მიერ.

     

    7. რამდენია ჯარიმის ოდენობა?

  •  

    საქართველოს ადმინისტრაციულ სამართალდარღვევათა კოდექსის თანახმად

    „მუხლი 1537. ფასის ლარით გამოხატვის წესის დარღვევა

    1. „საქართველოს ეროვნული ბანკის შესახებ“ საქართველოს ორგანული კანონის 34-ე მუხლის 21 პუნქტით გათვალისწინებული ფასის ლარით გამოხატვის წესის დარღვევა − გამოიწვევს წინადადების მიმცემის (ოფერენტის) ან რეკლამის დამკვეთის გაფრთხილებას.

    2. იმავე ქმედების განმეორებით ჩადენა − გამოიწვევს დაჯარიმებას 1000 ლარის ოდენობით.

    3. ამ მუხლის მე-2 ნაწილით გათვალისწინებული ქმედების ყოველი მომდევნო ჩადენა − გამოიწვევს დაჯარიმებას 5000 ლარის ოდენობით.“.

     

  •  

     

    8. რეკლამირების გარდა, ვრცელდება თუ არა შეზღუდვა მხარეთა მიერ დადებულ ხელშეკრულებებზე?

  •  

    “რეკლამის შესახებ” საქართველოს კანონით, „საქართველოს ეროვნული ბანკის შესახებ“ საქართველოს ორგანული კანონითა და საქართველოს ადმინისტრაციულ სამართალდარღვევათა კოდექსით გათვალისწინებული რეგულაციები არ ვრცელდება სახელშეკრულებო პირობებზე.

     

    10. აღნიშნული ცვლილებები როგორ აისახება ხელშეკრულებაზე?

  •  

    ხელშეკრულების გაფორმებისას, მომსახურების საფასურის დოლარით ან სხვა უცხოური ვალუტით ინდექსირება აკრძალული არ არის. ცვლილებები ხელშეკრულების პირობებზე არ ვრცელდება.

     

<მარტი>
ორსაოთხუპაშაკვ
26272829123
45678910
11121314151617
18192021222324
25262728293031
1234567

დონორი ორგანიზაციები

პასუხისმგებლიანი დაკრედიტების რეფორმა

ეკონომიკური ანალიზი

სახელმწიფოს შიდა ფინანსური კონტროლი

დავების განხილვის საბჭო

ელექტრონული აუქციონი

ანგარიშები და პრეზენტაციები

სწავლება და კარიერა