მიმდინარე წლის 30 ივლისს, ფინანსთა მინისტრი ნოდარ ხადური შეხვდა ევროკავშირის მისიას ფილიპ დიმიტროვის ხელმძღვანელობით.
შეხვედრაზე მხარეებმა განიხილეს ევროკავშირის მიერ საქართველოსათვის 46 მლნ ევროს ოდენობის ფინანსური რესურსის გამოყოფის საკითხი.
თანხა ევროკავშირის მაკროფინანსური დახმარების ნაწილია, რომელიც ევროკავშირის მიერ გამოეყოფათ პარტნიორ ქვეყნებს. აღსანიშნავია, რომ თანხიდან ნახევარი გრანტის სახით გამოიყოფა.