მიმდინარე წლის 27 თებერვალს, ფინანსთა მინისტრი ნოდარ ხადური შეხვდა ამერიკელ ინვესტორთა ჯგუფს, რომლებიც Trans-National Research Corporation-ის ორგანიზებით საქართველოში არსებული სიტუაციის გასაცნობად ჩამოვიდა
იმსჯელეს რეგიონში და ჩვენს ქვეყანაში შექმნილ ეკონომიკურ ვითარებაზე. საუბარი ასევე შეეხო ქვეყნის საინვესტიციო შესაძლებლობებს, იმ რეგიონალურ ინფრასტრუქტურულ პროექტებს, რომელიც ხელს შეუწყობს ქვეყნის სატრანზიტო ფუნქციის გაძლიერებას.
შეხვედრის დასასრულს, ფინანსთა მინისტრმა სტუმრები მოიწვია, ევროპის რეკონსტრუქციისა და განვითარების ბანკის ყოველწლიურ შეხვედრაზე, რომელიც წელს, 13-15 მაისს თბილისში იმართება და იმედი გამოთქვა, რომ მოხერხდება საინტერესო საინვესტიციო პროექტების განხორციელება.