მომავალი წლიდან თამბაქოს ნაწარმის აქციზით დაბეგვრასთან დაკავშირებულ ცვლილებებზე მორიგი შეხვედრა გაიმართა ფინანსთა სამინისტროში.

ფინანსთა მინისტრი ნოდარ ხადური, მინისტრის მოადგილე ლაშა ხუციშვილი და შემოსავლების სამსახურის უფროსი ირაკლი გვარამაძე თამბაქოს იმპორტიორი კომპანიების „British American Tobacco-ს“, „Japan Tobacco International-ის“, Philip Morris „International-ის“ და „Imperial-ის“ კავკასიის ოფისების გენერალურ დირექტორებს შეხვდნენ.

როგორც შეხვედრაზე კომპანიების წარმომადგენლებმა განაცხადეს, ისინი მზად არიან ფინანსთა სამინისტროსთან ერთად სამუშაო დონეზე განიხილონ როგორც სიგარეტზე აქციზის გადასახადის ე. წ. „შერეული სისტემა“, ისე აქციზის გადახდის წესთან დაკავშირებული ცვლილებები.

შეხვედრაზე გამოითქვა მზადყოფნა, გაგრძელდეს კონსულტაციები საკანონმდებლო ცვლილებების სრულყოფის მიზნით.