მიმდინარე წლის 27 აპრილიდან -1 მაისის ჩათვლით, ფინანსთა სამინისტროსა და გერმანიის საერთაშორისო თანამშრომლობის საზოგადოების (GIZ) ერთობლივი თანამშრომლობით, სასტუმრო „რადისონ ბლუ ივერიაში“ მიმდინარეობს საერთაშორისო დაბეგვრის 8-თვიანი კურსის მეორე ეტაპი, რომელსაც IBFD-ს ექსპერტი ბარტ კოსტერსი და GIZ-ს ექსპერტი ვენდელა ვანდენბრინკი უძღვებიან.
აღნიშნული კურსის მიზანია, შემოსავლების სამსახურსა და ფინანსთა სამინისტროს სისტემაში საერთაშორისო დაბეგვრის საკითხზე მომუშავე კადრების კვალიფიკაციის ამაღლება, რათა ხელი შეეწყოს „ორმაგი დაბეგვრის თავიდან აცილების შესახებ“ შეთანხმებების პრაქტიკაში სწორ გამოყენებას.
კურსის პირველი ეტაპი უკვე გაიმართა 26-30 იანვარს, რომელსაც, ასევე, IBFD-სა და GIZ-ის ექსპერტებმა უხელმძღვანელეს.