მიმდინარე წლის 17 მაისს, ფინანსთა მინისტრი ნოდარ ხადური მინისტრთა კაბინეტის წევრებთან ერთად, ოზურგეთში დაესწრო ბიზნესმენებთან გამართულ შეხვედრას, რომელზეც პრემიერ-მინისტრმა, ირაკლი ღარიბაშვილმა ახალი სამთავრობო პროგრამა „ძლიერი რეგიონი - ძლიერი საქართველოსთვის“ წარადგინა და გურიის რეგიონის ეკონომიკური პოტენციალზე ისაუბრა.
მთავრობის მეთაურმა ყურადღება გაამახვილა გურიაში ტურიზმის განვითარების პერსპექტივაზე და განაცხადა, რომ ამ მხრივ რეგიონს შთამბეჭდავი პოტენციალი აქვს.
პრემიერ-მინისტრმა ბიზნესმენებს რეგიონში საინტერესო პროექტების განხორციელებისკენ მოუწოდა და აღნიშნა, რომ მათ მთავრობისა და ადგილობრივი ხელისუფლების სრული მხარდაჭერა ექნებათ.
ირაკლი ღარიბაშვილმა ბიზნესწრეების წარმომადგენლებს, ასევე, მიაწოდა ინფორმაცია გურიაში განხორციელებული პროექტების შესახებ.