მიმდინარე წლის 31 ივლისს, ფინანსთა მინისტრი ნოდარ ხადური ივანე ჯავახიშვილის სახელობის თბილისის სახელმწიფო უნივერსიტეტისა და გერმანიის ქ.შპაიერის ადმინისტრაციულ მეცნიერებათა უნივერსიტეტის სამაგისტრო პროგრამისთვის „საჯარო მმართველობა“ საერთაშორისო აკრედიტაციის მინიჭების საზეიმო ღონისძიებას დაესწრო.
როგორც ცნობილია, ფინანსთა სამინისტრო ივ. ჯავახიშვილის სახელობის თბილისის სახელმწიფო უნივერსიტეტთან და გერმანიის ქ.შპაიერის ადმინისტრაციულ მეცნიერებათა უნივერსიტეტთან ერთად ადმინისტრაციულ მეცნიერებათა ინსტიტუტის დამფუძნებელია. აღნიშნული ინსტიტუტის მიზანია, საქართველოში საჯარო მმართველობის სფეროს, ადმინისტრაციული სამართლის განვითარება და მათი მიახლოება საერთაშორისო სტანდარტებთან.
სააკრედიტაციო ორგანიზაციის (FIBAA) საბჭოს გადაწყვეტილებით, პროგრამას მიენიჭა საერთაშორისო აკრედიტაცია 5 წლის ვადით, რაც უპრეცედენტო შემთხვევაა საქართველოს საუნივერსიტეტო ისტორიაში.