28 აგვისტოს, ფინანსთა მინისტრი ნოდარ ხადური სიონის საკათედრო ტაძარში გამართულ სადღესასწაულო ლიტურგიას საქართველოს პრემიერ-მინისტრ ირაკლი ღარიბაშვილთან და მთავრობის წევრებთან ერთად დაესწრო.
"ყოვლადწმინდა ღვთისმშობელი დედა ცისა და დედამიწის მფარველია, მაგრამ საქართველო ღვთისმშობლის წილხვედრია. იგი საქართველოს განსკუთრებული მფარველია. მხოლოდ ეს ფაქტი რომ ყოფილიყო, საკმარისი იქნებოდა საქართველოს გაბრწყინებისთვის. საქართველო ბედნიერია, რომ ყოვლადწმინდა ღვთისმშობელი მისი მფარველია. ბედნიერია, რომ ყოვლადწმინდა ღვთისმშობელმა გადააფარა კალთა და იცავს ხილული თუ უხილავი მტრებისაგან", - აღნიშნა უწმიდესმა და უნეტარესმა, სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა ილია II-მ.
მარიამობის დღესასწაული მართლმადიდებელ მრევლს მიულოცა მთავრობის მეთაურმა
.
"მინდა მთელს საქართველოს, ჩვენს ხალხს მივულოცო მარიამობა. დღეს არის განსაკუთრებული დღე. ჩვენი ერი ყოველთვის გრძნობს ღვთისმშობლის მფარველობას, სწორედ ამიტომ სასწაულებრივად საუკუნეების მანძილზე უამრავი სირთულე გამოვიარეთ ღვთისა და ღვთისმშობლის შეწევნით. მჯერა, რომ ჩვენ კვლავაც გავიმარჯვებთ ღვთისმშობლის მფარველობით, "-განაცხადა ირაკლი ღარიბაშვილმა.