მიმდინარე წლის 3 ოქტომბერს საქართველოს ფინანსთა მინისტრმა ლაგოდეხის საბაჟო პუნქტის ინფრასტრუქტურა დაათვალიერა და მომსახურების ხარისხის შესახებ ინფორმაცია მიიღო.
ნოდარ ხადური ასევე მიმდინარე საბაჟო ოპერაციებს, ტვირთების, მგზავრთა ნაკადისა და სატრანზიტო გადაზიდვების დინამიკას გაეცნო.
საბაჟო-გამშვები პუნქტი აღჭურვილია საინფორმაციო სისტემით, რომელიც ტვირთების საბაჟო გაფორმების ყველა ეტაპს აკონტროლებს.მინისტრმა ლაგოდეხის საბაჟო პუნქტის, როგორც ფინანსთა სამინისტროს შემოსავლების სამსახურის ერთ-ერთი ობიექტის, მნიშვნელობაზე ისაუბრა. მისი თქმით, თითოეული გამართული საბაჟო პუნქტი ქვეყნის ეკონომიკის მნიშვნელოვანი ნაწილია.