2015 წლის 6 ოქტომბერს საქართველოს ფინანსთა მინისტრმა ნოდარ ხადურმა მსოფლიო ბანკის წარმომადგენლებთან სამუშაო შეხვედრა გამართა.
შეხვედრაზე განხილულ იქნა იმ რეფორმების მიმდინარეობა, რომლებიც საქართველოსა და მსოფლიო ბანკს შორის განვითარების პოლიტიკის ოპერაციების (DPO) საფინანსო ხელშეკრულებით არის გათვალისწინებული. განსაკუთრებით ხაზი გაესვა საპენსიო და კაპიტალის ბაზრის რეფორმებს.
მსოფლიო ბანკისგან მიღებული დაფინანსება უზრუნველყოფს დაგეგმილი რეფორმების ეფექტურად განხორციელებას, რაც თავის მხრივ, საქართველოს კერძო სექტორის კონკურენტუნარიანობის ზრდისკენ არის მიმართული.