ამერიკის შეერთებულ შტატებში ვიზიტის ფარგლებში, ფინანსთა მინისტრმა, ნოდარ ხადურმა შეხვედრები გამართა მსოფლიო ბანკის ვიცე-პრეზიდენტებთან, სირილ მიულერთან და ლორა ტაკთან.
ისაუბრეს საქართველოსა და IBRD-ს თანამშრომლობის საკითხებზე. კერძოდ, საუბარი შეეხო მსოფლიო ბანკის მიერ მხარდაჭერილი საინვესტიციო პროექტების განხორციელებას, სტრუქტურულ რეფორმებს (საპენსიო რეფორმა, დეპოზიტების დაზღვევის რეფორმა, კაპიტალის ბაზრის განვითარების რეფორმა), ბიუჯეტის მხარდაჭერას და ბანკის ტექნიკურ დახმარებებს.
მხარეებმა ასევე იმსჯელეს სამომავლო პარტნიორობაზე. განიხილეს საშუალოვადიანი მაკროეკონომიკური მონაცემები.
აშშ-ში ვიზიტის ფარგლებში, შეხვედრები გაიმართა მსოფლიო ბანკის წარმომადგენლებთან - მსოფლიო ბანკის აღმასრულებელ დირექტორთან, ფრანკ ჰემსკერკთან, მსოფლიო ბანკის მრავალმხრივი საინვესტიციო გარანტიების სააგენტოს (MIGA) ვიცე-პრეზიდენტთან, კარინ ფინკელსტონთან, საერთაშორისო საფინანსო კორპორაციის (IFC) ევროპის და ცენტრალური აზიის დირექტორთან, ტომას ტელმასთან.