საქართველოსა და მსოფლიო ბანკის თანამშრომლობის საკითხები განიხილეს ფინანსთა მინისტრმა, ნოდარ ხადურმა და მსოფლიო ბანკის ვიცე-პრეზიდენტმა, სირილ მიულერმა.
მხარეებმა იმსჯელეს საქართველოში მსოფლიო ბანკის მიერ მხარდაჭერილი პროექტების მიმდინარეობაზე, აგრეთვე, ქვეყანაში სტრუქტურული რეფორმების გაგრძელების მნიშვნელობაზე.
ფინანსთა მინისტრმა და მსოფლიო ბანკის ვიცე-პრეზიდენტმა საქართველოსა და მსოფლიო ბანკს შორის არსებული თანამშრომლობა სამაგალითოდ შეაფასეს და მისი შემდგომი გაღრმავების იმედი გამოთქვეს.