2017 წლის 10 მარტს, ეროვნული ბანკის საფინანსო სექტორის ზედამხედველობის საკანონმდებლო დონეზე განმტკიცებისთვის მომზადებული საკანონმდებლო ცვლილებების პაკეტი საქართველოს პარლამენტმა, 84 ხმით ერთხმად დაამტკიცა.
“ეროვნული ბანკის შესახებ” კანონპროექტსა და მისგან გამომდინარე 15 კანონში ცვლილებებს უმრავლესობის წევრებთან ერთად საპარლამენტო ოპოზიციამაც დაუჭირა მხარი.
ცვლილებების თანახმად, საფინანსო სექტორის ზედამხედველობის განმახორციელებელ ორგანოდ საჯარო სამართლის იურიდიული პირის - საქართველოს საფინანსო ზედამხედველობის სააგენტოს ნაცვლად, კვლავ ეროვნულ ბანკი განისაზღვრა.
საბანკო რეგულირებისა და ზედამხედველობის შემდგომი გაძლიერება აამაღლებს საფინანსო სექტორის მდგრადობას და ხელს შეუწყობს ქვეყნის ეკონომიკის ზრდას.