ბოლო ორი ათწლეულის განმავლობაში საქართველომ მნიშვნელოვანი ეკონომიკური ტრანსფორმაციის პერიოდი გაიარა, - განაცხადა პირველმა ვიცე-პრემიერმა, ფინანსთა მინისტრმა, დიმიტრი ქუმსიშვილმა მსოფლიო ბანკთან თანამშრომლობის 25 წლის აღსანიშნავ მიღებაზე სიტყვით გამოსვლისას.
როგორც მან აღნიშნა, ყველაფერი ეს საქართველოს მიერ განხორციელებული ინსტიტუციური და სტრუქტურული რეფორმების შედეგია.
„ჩვენ მივაღწიეთ უდიდეს წარმატებას დემოკრატიული ინსტიტუტების მშენებლობის, კანონის უზენაესობის, ეფექტიანი მმართველობის, ბიზნესგარემოს გაუმჯობესების მიმართულებით,“ - განაცხადა დიმიტრი ქუმსიშვილმა.
მისი თქმით, რეფორმების შედეგად, ქვეყანაში მოქმედებს მოქნილი და მარტივი რეგულაციები, ბიზნესის მიმართ მეგობრული საგადასახადო სისტემა და ქვეყანა არის კერძო სექტორის მამოძრავებელი და კორუფციისგან თავისუფალი.