საგადასახადო ანგარიშ-ფაქტურის (მათ შორის, კორექტირების) გამოწერისა და წარდგენის შესახებ” ინსტრუქციის დამტკიცების თაობაზე

საქართველოს ფინანსთა მინისტრის
ბრძანება N84
2005 წლის 14 თებერვალი ქ. თბილისი

საგადასახადო ანგარიშ-ფაქტურის (მათ შორის, კორექტირების) გამოწერისა და წარდგენის შესახებ” ინსტრუქციის დამტკიცების თაობაზე
(27.12.2006 N1875)

საქართველოს საგადასახადო კოდექსის მე-3, 228-ე და 248-ე მუხლების საფუძველზე, ვბრძანებ:
1. დამტკიცდეს ინსტრუქცია “საგადასახადო ანგარიშ-ფაქტურის (მათ შორის, კორექტირების) გამოწერისა და წარდგენის შესახებ” (თანდართულ დანართებთან ერთად). (27.12.2006 N1875)
2. ბრძანება ამოქმედდეს გამოქვეყნებისთანავე.

ზ. ნოღაიდელი

ინსტრუქცია
საგადასახადო ანგარიშ-ფაქტურის (მათ შორის, კორექტირების) გამოწერისა და წარდგენის შესახებ (27.12.2006 N1875)

მუხლი 1. ზოგადი დებულებანი.
1. ინსტრუქცია შემუშავებულია საქართველოს საგადასახადო კოდექსის მე-3, 228-ე და 248-ე მუხლების შესაბამისად და განსაზღვრავს დღგ-ის გადამხდელების მიერ საგადასახადო ანგარიშ-ფაქტურის (მათ შორის, კორექტირების) გამოწერისა და საგადასახადო ორგანოებში წარდგენის წესს. (27.12.2006 N1875)
2. ინსტრუქცია არ ვრცელდება სპეციალურ საგადასახადო ანგარიშ-ფაქტურებზე.

მუხლი 2. ინსტრუქციაში გამოყენებულ ტერმინთა განსაზღვრებანი
1. დღგ-ის გადამხდელი – პირი, რომელიც რეგისტრირებულია ან ვალდებულია გატარდეს რეგისტრაციაში დღგ-ის გადამხდელად.
2. მიმწოდებელი (შემდგომში _ გამყიდველი) _ ამ ინსტრუქციის მიზნებისათვის იგულისხმება დღგ-ის გადამხდელი, რომელიც აწარმოებს დღგ-ით დასაბეგრ ოპერაციას და ვალდებულია საქონლის (მომსახურების) მიმღების მოთხოვნისას გამოწეროს საგადასახადო ანგარიშ-ფაქტურა (მათ შორის, კორექტირების). (27.12.2006 N1875)
3. მიმღები (შემდგომში _ მყიდველი) _ ამ ინსტრუქციის მიზნებისათვის იგულისხმება პირი, რომელიც დღგ-ის გადამხდელად რეგისტრირებული პირისაგან მიიღებს საქონელს (მომსახურებას).(27.12.2006 N1875)
4. გადასახადის გადამხდელის საიდენტიფიკაციო ნომერი – საგადასახადო ორგანოს მიერ პირისათვის მიკუთვნებული ნომერი.
5. დღგ-ის გადამხდელის სარეგისტრაციო სერტიფიკატი – პირის დღგ-ის გადამხდელად საგადასახადო ორგანოში რეგისტრაციისა და დღგ-ის რეესტრში გატარების შედეგად მასზე გაცემული სარეგისტრაციო სერტიფიკატი.
   
მუხლი 3. საგადასახადო ანგარიშ-ფაქტურის გამოწერისა
და წარდგენის წესის შესახებ
1. საგადასახადო ანგარიშ-ფაქტურა წარმოადგენს საქართველოს საგადასახადო კოდექსის 248-ე მუხლის შესაბამისად საქართველოს ფინანასთა მინისტრის მიერ დამტკიცებული ფორმის მკაცრი აღრიცხვის დოკუმენტს, რომლითაც დასტურდება დღგ-ით დასაბეგრი ოპერაციის განხორციელების ფაქტი (დანართი N1).
2. პირს, რომელიც არ არის რეგისტრირებული დღგ-ის გადამხდელად, ანგარიშ-ფაქტურის გამოწერის უფლება არა აქვს.
3. დღგ-ის გადამხდელად რეგისტრირებული პირი ვალდებულია საქონლის/მომსახურების მიმღების მოთხოვნიდან არა უგვიანეს მეორე დღისა გამოწეროს საგადასახადო ანგარიშ-ფაქტურა და წარუდგინოს იგი მიმღებს მიუხედავად იმისა, ეს უკანასკნელი არის თუ არა გადასახადის გადამხდელი. ამასთანავე, თუ საქონლის (ელექტრო- ან თბოენერგიის, გაზის ან წყლის) მიწოდება ან მომსახურების გაწევა ხდება რეგულარულად ან უწყვეტად, ამ შეთხვევებში, საანგარიშო თვის მომდევნო თვის 12 რიცხვამდე საქონლის/მომსახურების მიმღების მოთხოვნისას, პირი ვალდებულია საგადასახადო ანგარიშ-ფაქტურა გამოწეროს და წარუდგინოს მიმღებს არა უგვიანეს აღნიშნული თარიღისა. დასაშვებია კალენდარულ თვეში სასაქონლო ზედნადებებით მიწოდებული საქონლის ჯამური მონაცემების ერთ საგადასახადო ანგარიშ-ფაქტურაში  ასახვა ამ მუხლის 21-ე პუნქტის შესაბამისად.  (19.10.2009 N 671)
4. დღგ-ის იმ გადამხდელებისათვის, რომლებიც თავიანთ საქმიანობასთან დაკავშირებული ყველა სამეურნეო ოპერაციის ბუღალტრულ აღრიცხვას ახდენენ კომპიუტერული სისტემებისა და პროგრამების გამოყენებით და რომელთა მიერ მომსახურების გაწევა ან ელექტრო და თბოენერგიის, გაზისა და წყლის მიწოდება ხდება რეგულარულად ან უწყვეტად, მომხმარებელთა ფართო წრისათვის შესაძლებელია შემოღებული იქნეს კომპიუტერული წესით ამობეჭდილი საგადასახადო ანგარიშ-ფაქტურა, რომელიც მყიდველს წარედგინება საანგარიშო პერიოდში განხორციელებული მიწოდებების მიხედვით.
5. საგადასახადო ანგარიშ-ფაქტურაში სერია და ნომერი ჩაბეჭდილია სტამბური წესით. მას აქვს დამცავი ნიშნები.
6. საგადასახადო ანგარიშ-ფაქტურაში თვე ჩაიწერება სიტყვიერად.
7. საგადასახადო ანგარიშ-ფაქტურაში ,,გამყიდველის” მონაცემების აღმნიშვნელ სტრიქონებზე ჩაიწერება საქონლის გამყიდველის (მომსახურების გამწევის) – იურიდიული პირის დასახელება, ან დღგ-ის გადამხდელად რეგისტრირებული ფიზიკური პირის სახელი და გვარი, მისამართი, საგადასახადო ინსპექციის მიერ მათთვის მინიჭებული საიდენტიფიკაციო ნომერი, დღგ-ის გადამხდელის სარეგისტრაციო სერტიფიკატის ნომერი და გაცემის თარიღი, მომსახურე ბანკის დასახელება და ანგარიშის ნომერი.
8. საგადასახადო ანგარიშ-ფაქტურაში ,,მყიდველის” მონაცემების აღმნიშვნელ სტრიქონებზე ჩაიწერება საქონლის (მომსახურების) მიმღების – იურიდიული პირის დასახელება, ან მეწარმე ფიზიკური პირის სახელი და გვარი, მისამართი, აგრეთვე საგადასახადო ინსპექციის მიერ მათთვის მინიჭებული საიდენტიფიკაციო ნომერი, მომსახურე ბანკის დასახელება და ანგარიშის ნომერი, ხოლო ფიზიკურ პირზე ანგარიშ-ფაქტურის გამოწერის შემთხვევაში აღინიშნება მისი სახელი, გვარი და მისამართი, ხოლო საიდენტიფიკაციო ნომრის შესაბამის    უჯრებში ჩაიწერება  ასო  “z“.
8¹. საგადასახადო ანგარიშ-ფაქტურაში «გამყიდველის» და «მყიდველის»  მონაცემების აღმნიშვნელ სტრიქონებზე მისამართის (ქუჩა, N, ქალაქი, მუნიციპალიტეტი,) ტელეფონის ნომრის მითითება სავალდებულო არ არის. სავალდებულო არ არის ასევე მომსახურე ბანკის დასახელების და ანგარიშის ნომრის მითითება. (31.12.2008 N 980)
9. მე-4 სვეტში ჩაიწერება საქონლის (მომსახურების) დასახელება.
10. მე-5 სვეტში ჩაიწერება ზომის ერთეული.
11. მე-6 სვეტში ჩაიწერება მიწოდებული საქონლის რაოდენობა.
12. მე-7 სვეტში ჩაიწერება ერთეულის ფასი დღგ-ის და აქციზის გარეშე.
13. მე-8 სვეტში ჩაიწერება ღირებულება დღგ-ის და აქციზის გარეშე.
14. მე-9 და მე-10 სვეტებში ჩაიწერება აქციზის განაკვეთი და თანხა.
15. მე-11 და მე-12 სვეტებში ჩაიწერება დღგ-ის განაკვეთი და თანხა.
16. მე-13 სვეტში ჩაიწერება საქონლის (მომსახურების) ღირებულება დღგ-ის და აქციზის ჩათვლით.
17. მე-8, მე-10, მე-12 და მე-13 სვეტებში ჩაწერილი მონაცემების ჯამები აისახება სტრიქონზე ,,სულ”.
18. საქონლის მიწოდების შემთხვევაში, მე-14 და მე-15 სტრიქონებზე ჩაიწერება საქართველოს ფინანსთა მინისტრის მიერ დადგენილი ფორმით გამოწერილი სასაქონლო ზედნადების ნომერი და გამოწერის თარიღი. კალენდარული თვის განმავლობაში ერთზე მეტი სასაქონლო ზედნადებით საქონლის მიწოდებისას, თუ ამ საქონლის მიმღებზე უნდა გაიცეს მიწოდებების ჯამური მონაცემების ამსახველი ერთი საგადასახადო ანგარიშ-ფაქტურა, მასში მე-14 და მე-15 სტრიქონები არ შეივსება. მომსახურების გაწევის შეთხვევაში, მე-14 სტრიქონზე დაისმევა “_” (ტირე), ხოლო მე-15 სტრიქონზე მიეთითება მომსახურების გაწევის (ოპერაციის განხორციელების) თარიღი (თვე სიტყვიერად). საქონლის (ელექტრო- ან თბოენერგიის, გაზის ან წყლის) ან მომსახურების რეგულარული ან უწყვეტი მიწოდების შემთხვევაში, მე-14 სტრიქონზე დაისმევა “_” (ტირე), ხოლო მე-15 სტრიქონზე მიეთითება ოპერაციის განხორციელების საანგარიშო თვე.  (19.10.2009 N 671)
19. მე-16 სტრიქონზე კეთდება მყიდველის ხელმოწერა, მასზე საგადასახადო ანგარიშ-ფაქტურის შესაბამისი ეგზემპლარების უშუალოდ გადაცემის შემთხვევაში. (4.10.2007 N1121)
20. საგადასახადო ანგარიშ-ფაქტურის გამოწერის ფაქტი დასტურდება ხელმძღვანელის ან სხვა უფლებამოსილი პირის ხელმოწერით და ბეჭდის დასმით (ამ უკანასნელის არსებობის შემთხვევაში).
21. საქონლის ასორტიმენტის მრავალსახეობის დროს, როდესაც საგადასახადო ანგარიშ-ფაქტურაში საკმარისი არ არის სტრიქონების რაოდენობა, ან ერთი და იგივე მყიდველისათვის კალენდარული თვის განმავლობაში ერთზე მეტად მიწოდებული საქონლის ჯამურ მონაცემებზე თუ გამოიწერება ერთი საგადასახადო ანგარიშ-ფაქტურა, ამ შემთხვევებში გამოიყენება საგადასახადო ანგარიშ-ფაქტურის დანართი N2, რომელშიც ჩაიწერება იმ საგადასახადო ანგარიშ-ფაქტურის სერია და ნომერი, რომლის გაგრძელებასაც წარმოადგენს მოცემული დანართი. მათი შევსების თარიღი ერთი და იგივეა. დანართი N2-ში ინფორმაცია შეიტანება იმ სახით, როგორც ეს გათვალისწინებულია საგადასახადო ანგარიშ-ფაქტურაში. დანართის მე-5, მე-7, მე-9 და  მე-10 სვეტების ჯამები ჩაიწერება საგადასახადო ანგარიშ-ფაქტურაში შესაბამისად მე-8, მე-10, მე-12 და მე-13 სვეტებში, ხოლო დანართი N2-ის მე-11 და მე-12 სვეტებში ჩაიწერება კალენდარული თვის განმავლობაში მიწოდებულ საქონელზე გამოწერილი სასაქონლო ზედნადებების ნომერი და გამოწერის თარიღი. საგადასახადო ანგარიშ-ფაქტურაში საქონლის ამსახველ მე-4 სვეტში კეთდება ჩანაწერი “საგადასახადო ანგარიშ-ფაქტურა გამოიწერა . . . ცალი ზედნადებით მიწოდებულ . . . დასახელების საქონელზე დანართის მიხედვით”. დანართი N2-ში ჩანაწერები დასტურდება ხელმძღვანელის ან უფლებამოსილი პირის ხელმოწერითა და ბეჭდის დასმით (ამ უკანასკნელის არსებობის შემთხვევაში). პირს უფლება აქვს არ შეავსოს საგადასახადო ანგარიშ-ფაქტურის დანართი N2, თუ საგადასახადო ანგარიშ-ფაქტურას თან ერთვის შესაბამის ოპერაციებზე გამოწერილი სასაქონლო ზედნადებები.  (19.10.2009 N 671)
22. დღგ-ის გადამხდელი, რომელიც ახდენს აქციზური საქონლის დღგ-ით დასაბეგრ მიწოდებას ისე, რომ საგადასახადო კოდექსის მიხედვით თვითონ არ წარმოადგენს აქციზის გადასახადის გადამხდელს, საგადასახადო ანგარიშფაქტურის აქციზის სვეტში აქციზის თანხას ცალკე არ გამოყოფს და აკეთებს ,,X” ჩანაწერს.
23. საგადასახადო ანგარიშ-ფაქტურა გამოიწერება ოთხ ეგზემპლარად. ოთხივე ეგზემპლარს აქვს თანაბარი იურიდიული ძალა და თითოეული მათგანი წარმოადგენს დედანს. პირველი და მე-3 ეგზემპლარები წარედგინება მყიდველს, ხოლო მე-2 და მე-4 – რჩება გამყიდველს. ანგარიშ-ფაქტურის მე-4 ეგზემპლარს გამყიდველი წარუდგენს საგადასახადო აღრიცხვის ადგილის მიხედვით საგადასახადო ორგანოს დასაბეგრ ოპერაციაზე საგადასახადო კონტროლის განსახორციელებლად, ხოლო მე-3 ეგზემპლარს მყიდველი წარუდგენს საგადასახადო აღრიცხვის ადგილის მიხედვით საგადასახადო ორგანოს  დღგ-ის ჩათვლის მისაღებად. მათი წარდგენა ხდება დღგ-ის დეკლარაციასთან ერთად. ამასთან, ელექტრონული ფორმით საგადასახადო დეკლარირებაზე გადასული გადამხდელების მიერ მათ ხელთ არსებული საგადასახადო ანგარიშ-ფაქტურების მე-3 და მე-4 ეგზემპლარები საგადასახადო ორგანოს კონტროლის მიზნით წარედგინება მხოლოდ მისი მოთხოვნის შემთხვევაში. (5.02.2009 N 64)  
24. ამოღებულია (4.10.2007 N1121)
25. დაუშვებელია საგადასახადო ინსპექციის მიერ დღგ-ის გადამხდელზე გაცემული ანგარიშ-ფაქტურის სხვა პირისათვის გადაცემა.
26. დაუშვებელია საგადასახადო ორგანოში საგადასახადო ანგარიშ-ფაქტურის ასლის წარდგენა დღგ-ის ჩათვლის მისაღებად. იმ შემთხვევაში, თუ საგამოძიებო და სხვა უფლებამოსილი ორგანოების მიერ საქართველოს სისხლის სამართლის საპროცესო კოდექსით დადგენილი წესით გადამხდელისაგან ამოღებულ იქნა საგადასახადო ანგარიშ-ფაქტურები, დღგ-ის ჩათვლის მოთხოვნის მიზნით  გადამხდელს უფლება ეძლევა დღგ-ის დეკლარაციასთან ერთად საგადასახადო ორგანოში წარადგინოს ამოღებული საგადასახადო ანგარიშ-ფაქტურების ქსეროასლები და ამ ორგანოების სათანადო პასუხისმგებელი პირების მიერ ხელმოწერილი და ბეჭდით დამოწმებული ცნობა შესაბამისი საგადასახადო ანგარიშ-ფაქტურების ამოღების შესახებ. ამასთან, საგამოძიებო და სხვა უფლებამოსილი ორგანოების მიერ ამოღებული საგადასახადო ანგარიშ-ფაქტურების დაბრუნების შემდეგ, ისინი გადამხდელის მიერ დაუყოვნებლივ წარდგენილ უნდა იქნას შესაბამის საგადასახადო ორგანოში. აღნიშნული ვალდებულების შესრულება იმ გადამხდელებს, რომლებიც გადასული არიან ელექტრონული ფორმით საგადასახადო დეკლარირებაზე, ეკისრებათ მხოლოდ საგადასახადო ორგანოს მოთხოვნის შემთხვევაში. (31.10.2007 N1193)
27. დაუშვებელია საქონლის (მომსახურების) მიმწოდებლის მიერ, არასწორად შევსებული (არასწორად შეტანილი რეკვიზიტებით) საგადასახადო ანგარიშ-ფაქტურის წარდგენა მყიდველისათვის. ასეთი საგადასახადო ანგარიშ-ფაქტურის ყველა ეგზემპლარი შესაბამისი თვის დღგ-ის დეკლარაციასთან (მათ შორის ელექტრონული ფორმით წარდგენილი) ერთად წარედგინება საგადასახადო ორგანოს მისი გაუქმების მიზნით. თუ  შესაძლებელია საგადასახადო ანგარიშ-ფაქტურაში არასწორად შეტანილი რეკვიზიტების გასწორება, გარდა შეცდომით (არასწორად) შეტანილი გადასახადის თანხისა, ამ შემთხვევაში საგადასახადო ორგანოში წარდგენამდე შეცდომით შევსებული საგადასახადო ანგარიშ-ფაქტურის ყველა ეგზემპლარში არასწორი მონაცემები გადაიხაზება და მის თავზე ჩაიწერება დაზუსტებული მონაცემები. გადასწორების ფაქტი ყველა ეგზემპლარში დამოწმებული უნდა იქნეს მიმწოდებლის ან მისი უფლებამოსილი პირის ხელმოწერით და ბეჭდით (ასეთის არსებობის შემთხვევაში). (24.07.2009 N481)
28. შეუვსებელი საგადასახადო ანგარიშ-ფაქტურის დაკარგვის შემთხვევაში გადამხდელი დაუყოვნებლივ აცნობებს საგადასახადო ორგანოს ამ ანგარიშ-ფაქტურის გაუქმების მიზნით. (4.10.2007 N1121)
29. შევსებული (გამოწერილი) საგადასახადო ანგარიშ-ფაქტურის მე-4 ეგზემპლარის დაკარგვის შემთხვევაში გადამხდელი საგადასახადო ორგანოში წარადგენს ამ ანგარიშ-ფაქტურის მე-2 ეგზემპლარის ნოტარიულად დამოწმებულ ასლს,  ხოლო მე-2 და მე-4 ეგზემპლარების დაკარგვის შემთხვევაში _ პირველი ეგზემპლარის ნოტარიულად დამოწმებულ ასლს, ან იგივე დასაბეგრ ოპერაციაზე იმავე თარიღით გამოწერს ახალ საგადასახადო ანგარიშ-ფაქტურას, რომელზედაც შენიშვნის სახით აღინიშნება დაკარგული საგადასახადო ანგარიშ-ფაქტურის სერია და ნომერი.  ახალი საგადასახადო ანგარიშ-ფაქტურის გამოწერის წესი მოქმედებს მე-3 ეგზემპლარის დაკარგვის შემთხვევაშიც. ამასთან, ახალი საგადასახადო ანგარიშ-ფაქტურის გამოწერის შემთხვევაში, შევსებული (გამოწერილი) საგადასახადო ანგარიშ-ფაქტურის დაკარგვის შესახებ გადამხდელი დაუყოვნებლივ აცნობებს საგადასახადო ორგანოს ამ ანგარიშ-ფაქტურის გაუქმების მიზნით. (5.02.2009 N 64)

მუხლი 4. კორექტირების საგადასახადო ანგარიშ-ფაქტურის გამოწერისა და წარდგენის წესი
1. კორექტირების საგადასახადო ანგარიშ-ფაქტურა წარმოადგენს საქართველოს საგადასახადო კოდექსის 228-ე მუხლის შესაბამისად საქართველოს ფინანსთა მინისტრის მიერ დამტკიცებული ფორმის დოკუმენტს, რომლითაც დასტურდება დასაბეგრი ოპერაციის კორექტი-რება (დანართი N3).
    2. კორექტირების საგადასახადო ანგარიშ-ფაქტურა გამოიყენება იმ შემთხვევაში, თუ მიწოდებულ საქონელზე (გაწეულ მომსახურებაზე) გამყიდველმა გამოწერა და დადგენილი წესით მყიდველს ჩააბარა ანგარიშ-ფაქტურა და: (31.10.2007 N1193)
ა) გაუქმებულია დასაბეგრი ოპერაცია, მათ შორის, დღგ-ის გადამხდელად ხელახალი რეგისტრაციისას, წინა რეგისტრაციის გაუქმებისას მიწოდებად განხილულ საქონლის არსებულ ნაშთზე;
ბ) შეცვლილია დასაბეგრი ოპერაციის სახე;
გ) ფასების შემცირების ან სხვა მიზეზით შეცვლილია ოპერაციაზე ადრე შეთანხმებული კომპენსაციის თანხა;
დ)  საქონელი/მომსახურება სრულად ან ნაწილობრივ უბრუნდება დღგ-ის გადამხდელს. (31.12.2008 N 980)

3. ამ მუხლის მე-2 პუნქტში აღნიშნული ერთ-ერთი პირობის დადგომისას დასაბეგრი ოპერაციის თანხა კორექტირდება თუ გადამხდელის მიერ: (31.10.2007 N1193)
ა) საგადასახადო ინსპექციაში წარდგენილია საგადასახადო ანგარიშ-ფაქტურა, ან მისი მონაცემები დეკლარირებულია ელექტრონული ფორმით, რომელშიც დღგ-ის თანხა აღნიშნულია არასწორად;
ბ) დღგ-ის დეკლარაციაში არასწორად არის აღნიშნული დღგ-ის თანხა.
4. დასაბეგრი ოპერაციის კორექტირება ხდება იმ შემთხვევაშიც, თუ მიწოდებულ საქონელზე (მომსახურებაზე) გამყიდველმა გამოწერა და დადგენილი წესით მყიდველს ჩააბარა კორექტირების საგადასახადო ანგარიშ-ფაქტურა.
5. დასაბეგრი ოპერაციის კორექტირების შემთხვევაში, როცა გადასახდელი დღგ-ის თანხა აღემატება გადამხდელის მიერ ფაქტობრივად ნაჩვენებ თანხას, ნამეტი თანხა განიხილება როგორც იმ საანგარიშო პერიოდში გადასახდელი დღგ, რომელშიც მოხდა მე-2 ნაწილში აღწერილი შემთხვევები და ეს თანხა ემატება საანგარიშო პერიოდში გადასახდელი დღგ-ის თანხას.
6. დასაბეგრი თანხის კორექტირების შემთხვევაში, როცა ანგარიშ-ფაქტურაში ან დეკლარაციაში ნაჩვენები თანხა აღემატება გადასახდელ დღგ-ს, ნამეტი თანხით მცირდება იმ საანგარიშო პერიოდში გადასახდელი დღგ, რომელშიც მოხდა მე-2 ნაწილში აღწერილი შემთხვევები და ეს თანხა აკლდება საანგარიშო პერიოდში გადასახდელი დღგ-ის თანხას.
7. კორექტირების საგადასახადო ანგარიშ-ფაქტურაში სერია და ნომერი ჩაბეჭდილია სტამბური წესით. მას აქვს დამცავი ნიშნები.
8. კორექტირების საგადასახადო ანგარიშ-ფაქტურაში აისახება:
ა) გამოწერის თარიღი (თვე ჩაიწერება სიტყვიერად);
ბ) იმ ანგარიშ-ფაქტურის ნომერი, სერია, თარიღი (თვე ჩაიწერება სიტყვიერად), რომელშიც ხდება კორექტირება;
გ) შესაბამისი უჯრის შემოხაზვით ფიქსირდება კორექტირების შემდეგი სახეობები: (31.10.2007 N1193)
გ.ა) გაუქმებულია დასაბეგრი ოპერაცია, მათ შორის, დღგ-ის გადამხდელად ხელახალი რეგისტრაციისას, წინა რეგისტრაციის გაუქმებისას მიწოდებად განხილულ საქონლის არსებულ ნაშთზე;
გ.ბ) შეცვლილია დასაბეგრი ოპერაციის სახე;
გ.გ) ფასების შემცირების ან სხვა მიზეზით შეცვლილია ოპერაციაზე ადრე შეთანხმებული კომპენსაციის თანხა;
გ.დ) საქონელი/მომსახურება სრულად ან ნაწილობრივ უბრუნდება დღგ-ის გადამხდელს; ლიზინგის საგანი უბრუნდება ლიზინგის გამცემს, თუ გათვალისწინებული იყო მისი გამოსყიდვა.
დ) პირველ სვეტში ჩაიწერება საქონლის (მომსახურების) დასახელება და მათი ტექნიკური მაჩვენებლები, რომლის მიმართ წარმოებს კორექტირება;
ე) მე-2 სვეტში ჩაიწერება ზომის ერთეული;
ვ) მე-3 სვეტში ჩაიწერება კორექტირებას დაქვემდებარებული საქონლის რაოდენობა;
ზ) მე- 4 სვეტში ჩაიწერება ერთეულის ფასი დღგ-ის და აქციზის გარეშე;
თ) მე-5 სვეტში ჩაიწერება კორექტირებას დაქვემდებარებული საქონლის (მომსახურების) ღირებულება დღგ-ის და აქციზის გარეშე;
ი) მე-6 და მე-7 სვეტებში ჩაიწერება აქციზის განაკვეთი და თანხა;
კ) მე-8 და მე-9 სვეტებში ჩაიწერება დღგ-ის განაკვეთი და თანხა;
ლ) მე-10 სვეტში ჩაიწერება კორექტირებას დაქვემდებარებული საქონლის (მომსახურების) ღირებულება დღგ-ის და აქციზის ჩათვლით;
მ) მე-5, მე-7, მე-9 და მე-10 სვეტებში ჩაწერილი მონაცემების ჯამები აისახება სტრიქონზე ,,დასაბეგრი ბრუნვის კორექტირების ჯამი”;
ნ) 3-10 სვეტებში ჩანაწერი კეთდება 2 სტრიქონად: I – კორექტირებამდე, სადაც ჩაიწერება შესაბამისი მონაცემები კორექტირებამდე მიწოდებული საქონლის (მომსა-ხურების) შესახებ და II – კორექტირების შემდეგ, სადაც ჩაიწერება მონაცემები კორექტირების შემდეგ მყიდველთან დარჩენილი საქონლის (მომსახურების) შესახებ. ამასთან, დასაბეგრი ბრუნვის კორექტირების ჯამის მე-9 სვეტში ჩაიწერება დღგ-ის თანხა, რომლითაც ხდება პირვანდელი დღგ-ის თანხის კორექტირება. იმ შემთხვევაში, როდესაც მიწოდებული საქონლის (მომსახურების) ღირებულების კორექტირებისას ადგილი აქვს გამყიდველთან დასაბეგრი ბრუნვის ზრდას, დასაბეგრ ბრუნვაზე დღგ-ის კორექტირების ჯამს გამყიდველი ასახავს დღგ-ის დეკლარაციის მე-2 განაყოფში დასაბეგრ ოპერაციებზე გამოწერილი ანგარიშ-ფაქტურების ნაწილში, ხოლო მყიდველი – ანგარიშ-ფაქტურებით განხორციელებული ჩათვლების ნაწილში. დადებითი სხვაობა წარმოადგენს გამყიდველთან დღგ-ის თანხის შემცირების, ხოლო მყიდველთან დღგ-ის გაზრდის საფუძველს და პირიქით;
ო) კორექტირების ანგარიშ-ფაქტურის გამოწერის ფაქტი დასტურდება ხელმძღვანელი ან სხვა უფლებამოსილი პირის ხელმოწერითა და ბეჭდის დასმით (ამ უკანასკნელის არსებობის შემთხვევაში).
81. კორექტირების საგადასახადო ანგარიშ-ფაქტურაში «გამყიდველის» და «მყიდველის»  მონაცემების აღმნიშვნელ სტრიქონებზე მისამართის (ქუჩა, N, ქალაქი, მუნიციპალიტეტი) და ტელეფონის ნომრის მითითება სავალდებულო არ არის. (31.12.2008 N 980)
9. საქონლის ასორტიმენტის მრავალსახეობის დროს, როდესაც კორექტირების საგადასახადო ანგარიშ-ფაქტურაში საკმარისი არ არის სტრიქონების რაოდენობა, გამოიყენება კორექტირების საგადასახადო ანგარიშ-ფაქტურის დანართი N4, რომელშიც ხელით ჩაიწერება იმ კორექტირების საგადასახადო ანგარიშ-ფაქტურის სერია და ნომერი, რომლის გაგრძელებასაც წარმოადგენს მოცემული დანართი. მათი შევსების თარიღი ერთი და იგი-ვეა. N4 დანართში ინფორმაცია შეიტანება იმ სახით, როგორც ეს გათვალისწინებულია კორექტირების საგადა-სახადო ანგარიშ-ფაქტურაში. დანართის მე-5, მე-7, მე-9 და მე-10 სვეტების ჯამები ჩაიწერება კორექტირების საგადასახადო ანგარიშ-ფაქტურაში და საქონლის დასახელების ამსახველ პირველ სვეტში კეთდება ჩანაწერი ,,ამ კორექტირების საგადასახადო ანგარიშ-ფაქტურით მიეწოდა . . . დასახელების საქონელი დანართის მიხედვით”.
10. კორექტირების საგადასახადო ანგარიშ-ფაქტურა გამოიწერება ოთხ ეგზემპლარად. ოთხივე ეგზემპლარს აქვს თანაბარი იურიდიული ძალა და თითოეული მათგანი წარმოადგენს დედანს. პირველი და მე-3 ეგზემპლარები წარედგინება მყიდველს, ხოლო მე-2 და მე-4 – რჩება გამყიდველს. გამყიდველი და მყიდველი საგადასახადო აღრიცხვის ადგილის მიხედვით საგადასახადო ორგანოში წარადგენენ ამ ანგარიშ-ფაქტურის მე-4 და მე-3 ეგზემპლარს დღგ-ის დეკლარაციასთან ერთად საგადასახადო კონტროლის განხორციელების მიზნით და დღგ-ის ჩათვლის მისაღებად. ამასთან, ელექტრონული ფორმით საგადასახადო დეკლარირებაზე გადასული გადამხდელების მიერ მათ ხელთ არსებული კორექტირების საგადასახადო ანგარიშ-ფაქტურების მე-3 და მე-4 ეგზემპლარები საგადასახადო ორგანოს კონტროლის მიზნით, წარედგინება მხოლოდ მისი მოთხოვნის შემთხვევაში. (5.02.2009 N 64)
11. დაუშვებელია საქონლის (მომსახურების) მიმწოდებლის მიერ რეკვიზიტების შეცდომით, არასწორად შევსებული კორექტირების საგადასახადო ანგარიშ-ფაქტურის წარდგენა მყიდველისათვის. ასეთი ანგარიშ-ფაქტურის ოთხივე ეგზემპლარი შესაბამისი თვის დღგ-ის დეკლარაციასთან (მათ შორის ელექტრონული ფორმით წარდგენილი) ერთად წარედგინება საგადასახადო ორგანოს მისი გაუქმების მიზნით. (31.10.2007 N1193)
12. ამოღებულია (4.10.2007 N1121)
13. დაუშვებელია საგადასახადო ინსპექციის მიერ დღგ-ის გადამხდელზე გაცემული კორექტირების საგადასახადო ანგარიშ-ფაქტურის სხვა პირისათვის გადაცემა.

14. დაუშვებელია საგადასახადო ორგანოში კორექტირების საგადასახადო ანგარიშ-ფაქტურის ასლის წარდგენა დღგ-ის ჩათვლის მისაღებად. იმ შემთხვევაში, თუ საგამოძიებო და სხვა უფლებამოსილი ორგანოების მიერ საქართველოს სისხლის სამართლის საპროცესო კოდექსით დადგენილი წესით გადამხდელისაგან ამოღებულ იქნა კორექტირების საგადასახადო ანგარიშ-ფაქტურები, დღგ-ის ჩათვლის მოთხოვნის მიზნით გადამხდელს უფლება ეძლევა დღგ-ის დეკლარაციასთან ერთად საგადასახადო ორგანოში წარადგინოს ამოღებული კორექტირების საგადასახადო ანგარიშ-ფაქტურების ქსეროასლები და ამ ორგანოების სათანადო პასუხისმგებელი პირების მიერ ხელმოწერილი და ბეჭდით დამოწმებული ცნობა შესაბამისი კორექტირების საგადასახადო ანგარიშ-ფაქტურების ამოღების შესახებ. ამასთან, საგამოძიებო და სხვა უფლებამოსილი ორგანოების მიერ ამოღებული კორექტირების საგადასახადო ანგარიშ-ფაქტურების დაბრუნების შემდეგ, ისინი გადამხდელის მიერ დაუყოვნებლივ წარდგენილ უნდა იქნას შესაბამის საგადასახადო ორგანოში. აღნიშნული ვალდებულების შესრულება იმ გადამხდელებს, რომლებიც გადასული არიან ელექტრონული ფორმით საგადასახადო დეკლარირებაზე, ეკისრებათ მხოლოდ საგადასახადო ორგანოს მოთხოვნის შემთხვევაში. (31.10.2007 N1193)
15. შეუვსებელი კორექტირების საგადასახადო ანგარიშ-ფაქტურის დაკარგვის შემთხვევაში გადამხდელი დაუყოვნებლივ აცნობებს შესაბამის საგადასახადო ორგანოს ამ ანგარიშ-ფაქტურის გაუქმების მიზნით. (4.10.2007 N1121)
16. შევსებული (გამოწერილი) კორექტირების საგადასახადო ანგარიშ-ფაქტურის მე-4 ეგზემპლარის დაკარგვის შემთხვევაში გადამხდელი საგადასახადო ორგანოში წარადგენს ამ ანგარიშ-ფაქტურის მე-2 ეგზემპლარის ნოტარიულად დამოწმებულ ასლს,  ხოლო მე-2 და მე-4 ეგზემპლარების დაკარგვის შემთხვევაში _ პირველი ეგზემპლარის ნოტარიულად დამოწმებულ ასლს, ან იგივე დასაბეგრ ოპერაციაზე იმავე თარიღით გამოწერს ახალ კორექტირების საგადასახადო ანგარიშ-ფაქტურას, რომელზედაც შენიშვნის სახით აღინიშნება დაკარგული კორექტირების საგადასახადო ანგარიშ-ფაქტურის სერია და ნომერი.  ახალი კორექტირების საგადასახადო ანგარიშ-ფაქტურის გამოწერის წესი მოქმედებს მე-3 ეგზემპლარის დაკარგვის შემთხვევაშიც. ამასთან, ახალი კორექტირების საგადასახადო ანგარიშ-ფაქტურის გამოწერის შემთხვევაში, შევსებული (გამოწერილი) კორექტირების საგადასახადო ანგარიშ-ფაქტურის დაკარგვის შესახებ გადამხდელი დაუყოვნებლივ აცნობებს საგადასახადო ორგანოს ამ კორექტირების საგადასახადო ანგარიშ-ფაქტურის გაუქმების მიზნით. (5.02.2009 N 64).

იხილეთ დანართები: