ივანე მაჭავარიანი: სავალუტო ფონდის მიერ ეკონომიკური ზრდის პროგნოზის გაუმჯობესება ნიშნავს მეტ ინვესტიციას, მეტ ნდობას საქართველოს მიმართ



სავალუტო ფონდის მიერ ეკონომიკური ზრდის პროგნოზის გაუმჯობესება ნიშნავს მეტ ინვესტიციას, მეტ ნდობას საქართველოს მიმართ, - განაცხადა ფინანსთა მინისტრმა, ივანე მაჭავარიანმა საერთაშორისო სავალუტო ფონდის მისიის ვიზიტის შედეგების  კომენტირებისას.  

როგორც ფინანსთა მინისტრმა აღნიშნა, საერთაშორისო სავალუტო ფონდის მისიამ საქართველოს ეკონომიკის 2018 წლის ზრდის პროგნოზი 4.8 პროცენტიდან 5.5 პროცენტამდე გაზარდა. 

„ეს ძალიან დიდი მიღწევაა იმ საგარეო ეკონომიკური მდგომარეობის გათვალისწინებით, რაც ჩვენს მეზობელ ქვეყნებშია. პრაქტიკულად, სახეზე გვაქვს სავალუტო კრიზისი, როგორც თურქეთში, ისე რუსეთში. აღსანიშნავია, რომ მიმდინარე წლის პირველი ნახევრის საბიუჯეტო შემოსავლები გადაჭარბებით სრულდება. ჩვენ გვაქვს ყველანაირი საფუძველი, ვივარაუდოთ, რომ 2018 წელს დავხურავთ პროფიციტით, მიმდინარე შემოსავლებისა და მიმდინარე ხარჯების კუთხით. განსაკუთრებით მნიშვნელოვანია, რომ საერთაშორისო სავალუტო ფონდი მაღალ შეფასებას აძლევს მთავრობის მიერ უკვე დაწყებულ და დაგეგმილ რეფორმებს, რომლებიც სწორედ მათთან ერთად ხორციელდება,“ - განაცხადა ფინანსთა მინისტრმა. 

როგორც მან აღნიშნა, ფონდი განსაკუთრებით ხაზს უსვამს იმ გარემოებას, რომ რეგიონში არსებული რისკების გამო, მნიშვნელოვანია თავისუფალი მცურავი გაცვლითი კურსის და გონივრული მაკროეკონომიკური პოლიტიკის გაგრძელება. 

ფინანსთა მინისტრმა, ასევე, ყურადღება გაამახვილა საერთაშორისო სარეიტინგო კომპანია Fitch-ის  მიერ საქართველოსთვის საკრედიტო რეიტინგის შენარჩუნების მნიშვნელობაზე და აღნიშნა, რომ როგორც საერთაშორისო სავალუტო ფონდის, ისე სარეიტინგო კომპანია  Fitch-ის შეფასებები მნიშვნელოვანია ქვეყნის ეკონომიკის განვითარებისა და მდგრადობის შენარჩუნებისთვის.

სახელმწიფო ბიუჯეტის მონაცემები

18სექტემბერი დღე თვე წელი
2018 17.09 01.09 01.01
  17.09 17.09
ნაშთი დასაწყისი : 1 008.4943.9 558.0
შემოსულობები : 160.7644.0 8 241.0
მ.შ გადასახადები :148.7536.36 758.7
გადასახდელები : 34.7 453.57 664.6
ნაშთი ბოლოს : 1 134.4 1 134.41 134.4

* რიცხვები მოცემულია: მლნ.

<სექტემბერი>
ორსაოთხუპაშაკვ
272829303112
3456789
10111213141516
17181920212223
24252627282930
1234567

დონორი ორგანიზაციები

მოქალაქის გზამკვლევი
2018 წლის ბიუჯეტი

საჯარო ფინანსების მართვა საქართველოში

ეკონომიკური ანალიზი

სახელმწიფოს შიდა ფინანსური კონტროლი

დავების განხილვის საბჭო

ელექტრონული აუქციონი

ანგარიშები და პრეზენტაციები

სწავლება და კარიერა