2015 წლის 18 სექტემბერს, საქართველოს პარლამენტის მიერ რატიფიცირებულ იქნა ამერიკის შეერთებული შტატების მთავრობასა და საქართველოს მთავრობას შორის საერთაშორისო საგადასახადო ვალდებულებების შესრულების გაუმჯობესების და უცხოური ანგარიშის საგადასახადო შესაბამისობის აქტის (FATCA) შესრულების მიზნით გაფორმებული შეთანხმება, რომელსაც ხელი მიმდინარე წლის ივლისში მოეწერა.

საქართველო შეუერთდა იმ ქვეყნების რიცხვს, რომლებიც პარტნიორ ქვეყანას (აშშ) მიაწვდიან ფინანსურ ინფორმაციას შეთანხმებით განსაზღვრული „ამერიკის შეერთებული შტატების პირების“ შესახებ გადასახადებისგან თავის არიდების ფაქტების აღმოფხვრის მიზნით. 

FATCA-ს შეთანხმებით გათვალისწინებული ვალდებულებების უკეთ კოორდინირების მიზნით, საქართველოს ფინანსთა სამინისტროს შემოსავლების სამსახური განახორციელებს შუამდგომლობას საფინანსო ინსტიტუტებსა და ამერიკის შეერთებული შტატების შემოსავლების სამსახურს შორის.

ინფორმაცია ქვეყნების შესახებ, რომლებსაც გაფორმებული აქვთ შეთანხმება ამერიკის შეერთებული შტატების მთავრობასთან იხილეთ შემდეგ ბმულზე:

http://www.treasury.gov/resource-center/tax-policy/treaties/Pages/FATCA-Archive.aspx

ასევე დამატებითი ინფორმაცია FATCA-სთან დაკავშირებით იხილეთ შემდეგ ბმულზე:

 http://mof.ge/4887