მიმდინარე წლის 23 სექტემბერს, მთავრობის სხდომაზე ფინანსთა მინისტრმა ნოდარ ხადურმა 2016 წლის ბიუჯეტის ძირითადი პარამეტრები წარადგინა.

როგორც ფინანსთა მინისტრმა აღნიშნა, მომავალი წლის ბიუჯეტი დაგეგმილია ეკონომიკის 3%-იანი ზრდის მაჩვენებელზე, ბიუჯეტის დეფიციტი იქნება მშპ-ს 3%-ის ფარგლებში, ხოლო ინფლაციის მაჩვენებელი გამოყენებულია ეროვნული ბანკის პოლიტიკით განსაზღვრული მაჩვენებლების ფარგლებში - დაახლოებით 4-4,5 პროცენტი.

„უნდა აღინიშნოს, რომ მომავალ წელს, პირველად საქართველოში, საშემოსავლო გადასახადის დიდი ნაწილი დარჩება ადგილობრივ მუნიციპალიტეტებს. ნაერთი ბიუჯეტის საგადასახადო შემოსავლები დაახლოებით 8,5 მილიარდი, სახელმწიფო ბიუჯეტის შემოსულობები და ხარჯები კი 9,9 მლრდ ლარი იქნება", - განაცხადა ფინანსთა მინისტრმა ნოდარ ხადურმა.