ფინანსთა მინისტრი მამუკა ბახტაძე იაპონიის ელჩს შეხვდა



საქართველოსა და იაპონიას შორის თანამშრომლობის საკითხები განიხილეს ფინანსთა მინისტრმა, მამუკა ბახტაძემ და იაპონიის საგანგებო და სრულუფლებიანმა ელჩმა საქართველოში ტადაჰარუ უეჰარამ დღეს, ფინანსთა სამინისტროში გამართულ შეხვედრაზე.

ფინანსთა მინისტრმა სტუმარს მადლობა გადაუხადა იაპონიის მთავრობას თანამშრომლობისა და ქვეყნისთვის პრიორიტეტული პროგრამების მხარდაჭერისთვის, მათ შორისაა, ინფრასტრუქტურა, არასაპროექტო გრანტებისა და შეღავათიანი ფინანსური რესურსების მეშვეობით ეკონომიკის ისეთი სექტორების დაფინანსება როგორიცაა: ენერგეტიკა, გარემოს დაცვა, ჯანდაცვა, სოფლის მეურნეობა. როგორც აღინიშნა, მხარეები ასევე თანამშრომლობენ ახალი ტექნოლოგიების დანერგვის, საგანმანათლებლო, საინფორმაციო ტექნოლოგიებისა და ტურიზმის მიმართულებით.

იაპონიის მთავრობის დახმარების პროგრამის Official Development Assistance (ODA) ფარგლებში, საქართველოში განხორციელდა მრავალი საგრანტო დახმარების პროგრამა, რომელიც მოიცავდა ქვეყნის ეკონომიკის მნიშვნელოვანი დარგების რეაბილიტაციასა და განვითარებას.

მინისტრმა ხაზი გაუსვა საქართველოში იაპონიის საერთაშორისო თანამშრომლობის სააგენტოს (JICA) ოფისის გახსნის მნიშვნელობას და აღნიშნა, რომ რეგიონული წარმომადგენლობის გახსნა ორ სახელწმიფოს შორის წარმატებული თანამშრომლობის კარგი მაგალითია. „იმედი გვაქვს, რომ ადგილობრივი ოფისი ხელს შეუწყობს მომავალი თანამშრომლობის გაღრმავებას და გაზრდის თანამშრომლობის პერსპექტივას,“ - აღნიშნა მამუკა ბახტაძემ.

შეხვედრაზე განსაკუთრებით გაესვა ხაზი ინფრასტრუქტურის სექტორში მიმდინარე და სამომავლოდ დაგეგმილ პროექტებს.

ამ დროისთვის, JICA ახორციელებს ქვეყნისთვის უმნიშვნელოვანეს პროექტს, საუბარია აღმოსავლეთ-დასავლეთის გზატკეცილის ზესტაფონი-ქუთაისი-სამტრედიის გზის რეაბილიტაციაზე.

მიმდინარეობს, ასევე, მუშაობა აღმოსავლეთ-დასავლეთის ჩქაროსნული ავტომაგისტრალის რიკოთის მონაკვეთის (შორაპანი-არვეთა) დაფინანსების საკითხებზე. ხაზგასასმელია, რომ აღნიშნული პროექტისთვის გამოყენებული იქნება იაპონური ტექნოლოგიები.

შეხვედრაზე მხარეებმა იმედი გამოთქვეს, რომ საქართველოსა და იაპონიას შორის ურთიერთობები ორმხრივ და მრავალმხრივ ფორმატში კვლავ დინამიურად განვითარდება.

სახელმწიფო ბიუჯეტის მონაცემები

19სექტემბერი დღე თვე წელი
2024 18.09 01.09 01.01
  18.09 18.09
   
   
ნაშთი დასაწყისი : 2 471.21 985.4 1 577.3
შემოსულობები : 47.3
1 535.018 215.4
მ.შ გადასახადები :41.3
1 430.814 514.5
გადასახდელები : 95.11 096.9
17 369.3
ნაშთი ბოლოს : 2 423.5 2 423.52 423.5

* რიცხვები მოცემულია: მლნ.

<სექტემბერი>
ორსაოთხუპაშაკვ
2627282930311
2345678
9101112131415
16171819202122
23242526272829
30123456

ეკონომიკური ანალიზი

დონორი ორგანიზაციები

მოქალაქის გზამკვლევი
2024 წლის ბიუჯეტი

საჯარო ფინანსების მართვა საქართველოში

პასუხისმგებლიანი დაკრედიტების რეფორმა

სახელმწიფოს შიდა ფინანსური კონტროლი

დავების განხილვის საბჭო

ელექტრონული აუქციონი

ანგარიშები და პრეზენტაციები

სწავლება და კარიერა