2018 წლის 10 იანვარს ფინანსთა სამინისტროს სახელმწიფო ფასიანი ქაღალდების N3 აუქციონზე გაიყიდა 40 000 000 ლარის ნომინალური ღირებულების 2 წლის ვადიანობის მქონე სახაზინო ობლიგაციები, რომელიც წარმოადგენს ე. წ. ბენჩმარკ ობლიგაციის პირველ ემისიას.
აუქციონში მონაწილეობა მიიღო 3 კომერციულმა ბანკმა. მთლიანმა მოთხოვნამ შეადგინა 63 000 000 ლარი. დაფიქსირდა შემდეგი საპროცენტო განაკვეთები: მინიმალური 7.63%, მაქსიმალური 7.67%, ხოლო საშუალო შეწონილი 7.663%.