დღეს გამოქვეყნდა „Fraser Institute“-ის ეკონომიკური თავისუფლების ინდექსი, სადაც საქართველომ ერთი ადგილით გაიუმჯობესა პოზიცია და მეთორმეტე ადგილზე გადაინაცვლა.

„მსოფლიო ეკონომიკური თავისუფლების ინდექსის“ 2019 წლის შეფასებით, საქართველოს მდგომარეობა გაუმჯობესდა 0.06 პუნქტით, რამაც საქართველოს მე-13 პოზიციიდან მე-12 პოზიციაზე გადანაცვლება გამოიწვია.

ეკონომიკური თავისუფლების ინდექსში ჩვენი ქვეყნის პოზიციების გაუმჯობესება გამოწვეულია:

• მთავრობის ზომის მაჩვენებლის 0.08 ერთეულით გაუმჯობესებით (7,5-დან 7,58-მდე), რაც განპირობებულია სახელმწიფო მოხმარების, ტრანსფერებისა და სუბსიდიების მოცულობის შემცირებით;

• სამართლებრივი სისტემისა და საკუთრების უფლების მაჩვენებელი გაუმჯობესებით 0.03 ერთეულით (6.31-დან 6.34-მდე), რაც განპირობებულია მიუკერძოებელი სასამართლოს, საკუთრების უფლების დაცვისა და პოლიციის სანდოობის კომპონენტების შეფასების გაზრდით;

• საერთაშორისო ვაჭრობის თავისუფლების მაჩვენებელი გაუმჯობესებულია 0.18 ერთეულით (8.56-დან 8.74-მდე) ამ ნაწილში გაუმჯობესების რამდენიმე ფაქტორია, მათ შორის, სავაჭრო სექტორიდან მიღებული საგადასახადო შემოსავლების კომპონენტის შეფასების ზრდა, ვაჭრობაში არსებული ბარიერების კომპონენტის გაუმჯობესება, კაპიტალისა და ადამიანების გადაადგილების კონტროლის კომპონენტის გაუმჯობესება.

• რეგულირების მაჩვენებელი გაუმჯობესებულია 0.05 ერთეულით (8.1-დან 8.15-მდე) გაუმჯობესება გამოწვეულია შემდეგ კომპონენტებში არსებული გაუმჯობესებით: კერძო სექტორის კრედიტები, საკრედიტო ბაზარზე არსებული რეგულაციები, სამსახურში აყვანასა და განთავისუფლებასთან დაკავშირებული რეგულაციები, საგადასახადო მოთხოვნების შესრულება და ბიზნეს რეგულაციები.