ივანე მაჭავარიანი: საერთაშორისო სავალუტო ფონდის პროგრამის 1 წლით გახანგრძლივება დამატებითი პოზიტიური სიგნალი იქნება ჩვენი საერთაშორისო პარტნიორებისათვის



საერთაშორისო სავალუტო ფონდის პროგრამის ერთი წლით გახანგრძლივება, დამატებითი სიგნალი და გარანტია იქნება  ინვესტორებისა და საერთაშორისო პარტნიორებისთვის იმის დასადასტურებლად, რომ კვლავ ერთგულები ვართ იმ ძირითადი ფისკალური მიზნებისა და პრინციპების, რაც  საფუძვლად უდევს აღნიშნულ პროგრამას,  - განაცხადა ფინანსთა მინისტრმა ივანე მაჭავარიანმა საერთაშორისო სავალუტო ფონდის პროგრამის მეხუთე მიმოხილვის წარმატებით დასრულებასთან დაკავშირებით გამართულ ბრიფინგზე.

როგორც მან აღნიშნა, საერთაშორისო სავალუტო ფონდის პროგნოზით, საქართველო კვლავაც ინარჩუნებს გამოკვეთილი ლიდერის პოზიციას რეგიონში.

„საქართველოს მთავრობამ და ეროვნულმა ბანკმა, საერთაშორისო სავალუტო ფონდის მისიასთან, საქართველოში მიმდინარე პროგრამის მეხუთე მიმოხილვის ფარგლებში შეთანხმებას მიაღწია. თითქმის სამი წელი გავიდა ამ პროგრამის დაწყებიდან და მინდა დიდი კმაყოფილებით აღვნიშნო, რომ ჩვენ გვაქვს წარმატებული შედეგი, რაც დადასტურებულია როგორც მაკროეკონომიკური და ფისკალური სტაბილურობის გაუმჯობესებით, ასევე საკრედიტო რეიტინგებში წინსვლით: პროგრამის დაწყების დღიდან, ჩვენ დავადასტურეთ პრინციპულობა ძირითადი ფისკალური მიზნების განსახორციელებლად და მიუხედავად იმისა, რომ პროგრამა ჯერ არ დასრულებულა, დღეს თამამად შეგვიძლია ვთქვათ, სამივე მთავარი მიზნის მიღწევა წარმატებით მოხერხდა. ეს მიზნები იყო: 1. მიმდინარე ხარჯების კონტროლი - მიმდინარე ხარჯები 2016 წელს არსებული 25,9 პროცენტიდან შემცირდა 23.3%-მდე და კვლავაც განაგრძობს შემცირების ტენდენციას. ეს ნიშნავს, რომ ჩვენ უკვე მნიშვნელოვნად შევამცირეთ მთავრობის ზომა. 2. კაპიტალური ხარჯების დაჩქარება- შევძელით მნიშვნელოვნად დაგვეჩქარებინა კაპიტალური ხარჯები. აღმოსავლეთ-დასავლეთის მაგისტრალისა და ქვეშეთი-კობის მიმართულებით, პრაქტიკულად ყველა მონაკვეთზე სამუშაოები ან დაწყებულია ან ტენდერის ბოლო ეტაპზეა. ყველა ეს კაპიტალური ხარჯი სრულად არის გაწერილი ჩვენს ფისკალურ ჩარჩოში და მათზე დაფინანსება სრულად არის მოძიებული საფინანსო ინსტიტუტებიდან; 3. დეფიციტის ნორმალიზაცია - ჩვენი ფისკალური დეფიციტი სტაბილურად მშპ-ის 2.5 პროცენტის ფარგლებშია. ეს არის ნიშნული, რომელიც მიუთითებს, რომ საბიუჯეტო სექტორი არის ქვეყანაში სტაბილური მაკროეკონომიკური გარემოს გარანტი. ფონდის მიერ მხარდაჭერილმა მაკროეკონომიკურმა და ფისკალურმა პოლიტიკამ, ჩვენს ეკონომიკას საშუალება მისცა გამკლავებოდა რეგიონში განვითარებულ ურთულეს ეკონომიკურ მდგომარეობას. მაშინ, როცა რეგიონი 1%-ზე ნაკლები ტემპით იზრდება, მთელი ამ პერიოდის განმავლობაში ჩვენ საშუალოდ 5- პროცენტიანი ეკონომიკური ზრდა გვაქვს. საერთაშორისო სავალუტო ფონდის პროგნოზით, საქართველო კვლავაც ინარჩუნებს გამოკვეთილი ლიდერის პოზიციას რეგიონში. 2017 წლიდან მოყოლებული, სამივე სარეიტინგო სააგენტომ (Moody’s, Fitch და S&P Global) გაგვიუმჯობესა საკრედიტო რეიტინგი და ჩვენ უკვე 2 ნაბიჯი გვაშორებს საინვესტიციო რეიტინგს,“-განაცხადა ივანე მაჭავარიანმა.

ფინანსთა მინისტრმა მადლობა გადაუხადა სსფ-ის მისიის ხელმძღვანელს მხარდაჭერისთვის და აღნიშნა, რომ საერთაშორისო სავალუტო ფონდის პროგრამის წარმატება, მნიშვნელოვანია ქვეყნის განვითარებისთვის.  

„მადლობას ვუხდი ქალბატონ მერსედეს ვერა მარტინს და მთელ მის გუნდს მხარდაჭერისთვის. ჩვენ ძალიან ნაყოფიერი თანამშრომლობა გვქონდა მისიის მუშაობის პერიოდში. კიდევ ერთხელ, მინდა განვაცხადო, რომ პროგრამის წარმატება, ძალიან მნიშვნელოვანია ჩვენი ქვეყნის წინსვლისათვის,”-განაცხადა ფინანსთა მინისტრმა ივანე მაჭავარიანმა.

ფინანსთა მინისტრთან ერთად „გაფართოებული დაფინანსების მექანიზმით მხარდაჭერილი პროგრამის მეხუთე მიმოხილვის წარმატებით დასრულებასთან დაკავშირებით განცხადებები გააკეთეს საერთაშორისო სავალუტო ფონდის მისიის ხელმძღვანელმა მერსედეს ვერა მარტინმა და ეროვნული ბანკის პრეზიდენტმა კობა გვენეტაძემ.


სახელმწიფო ბიუჯეტის მონაცემები

11დეკემბერი დღე თვე წელი
2019 10.12 01.12 01.01
  10.12 10.12
ნაშთი დასაწყისი : 505.6372.1 661.2
შემოსულობები : 36.3323.2 11 620.2
მ.შ გადასახადები :35.0270.19 105.2
გადასახდელები : 48.1201.511 787.7
ნაშთი ბოლოს : 493.8 493.8493.8

* რიცხვები მოცემულია: მლნ.

<დეკემბერი>
ორსაოთხუპაშაკვ
2526272829301
2345678
9101112131415
16171819202122
23242526272829
303112345

მოქალაქის გზამკვლევი
2019 წლის ბიუჯეტი

საჯარო ფინანსების მართვა საქართველოში

პასუხისმგებლიანი დაკრედიტების რეფორმა

ეკონომიკური ანალიზი

სახელმწიფოს შიდა ფინანსური კონტროლი

დავების განხილვის საბჭო

ელექტრონული აუქციონი

ანგარიშები და პრეზენტაციები

სწავლება და კარიერა