ფინანსთა მინისტრი ივანე მაჭავარიანი ისრაელის საგანგებო და სრულუფლებიან ელჩს საქართველოში რან გიდორს შეხვდა. მხარეებმა მიმოიხილეს ორ ქვეყანას შორის თანამშრომლობის საკითხები. განსაკუთრებით, ხაზი გაესვა სავაჭრო-ეკონომიკურ სფეროში პარტნიორობის მნიშვნელობას. შეხვედრაზე გამოითქვა იმედი, რომ გლობალური პანდემიის დასრულების კვალდაკვალ, კვლავ გააქტიურდება ორმხრივი ურთიერთობები ყველა ძირითადი მიმართულებით.