მთავრობის დღევანდელ სხდომაზე პრემიერ-მინისტრმა ირაკლი ღარიბაშვილმა ფინანსთა მინისტრის პოსტზე ლაშა ხუციშვილი წარადგინა.

იგი 2014 წლიდან იკავებდა ფინანსთა მინისტრის მოადგილის თანამდებობას.

2016-2020 წლებში იყო ეკონომიკური თანამშრომლობისა და განვითარების ორგანიზაციის (OECD) და დიდი ოცეულის (G 20) მიერ ინიცირებულ დასაბეგრი ბაზის შემცირების და მოგების გადატანის (BEPS) ინკლუზიური პლატფორმის ხელმძღვანელი ჯგუფის (Steering group) წევრი.

2013-2014 წლებში - ფინანსთა სამინისტროს შემოსავლების სამსახურის უფროსი.

2008-2013 წლებში მუშაობდა საერთაშორისო კომპანია Ernst & Young-ში საგადასახადო და იურიდიული მიმართულებით.

არის თავისუფალი უნივერსიტეტის ბიზნეს სკოლისა (ESM) და პრესტონის უნივერსიტეტის კურსდამთავრებული ბიზნესის ადმინისტრირების მიმართულებით.