დღესვე ფინანსთა მინისტრი ლაშა ხუციშვილი და ფინანსთა სამინისტროს შემოსავლების სამსახურის უფროსი ლევან კაკავა „ბათუმის“ გაფორმების ეკონომიკური ზონაში, იმყოფებოდნენ, სადაც ერთი ფანჯრის პრინციპით, ხორციელდება წინასწარი/დისტანციური დეკლარირება, ასევე სასაქონლო საბაჟო დეკლარაციების შევსება, სხვადასხვა საქონლის მიმართ გაფორმების პროცედურების განხორციელება.
ბოლო 6 თვის მონაცემებით, „ბათუმის“ გაფორმების ეკონომიკურ ზონაში ფიზიკური პირების მიერ 20 500-ზე მეტი დეკლარაცია გაფორმდა.
„ბათუმის“ გაფორმების ეკონომიკური ზონის ტერიტორიაზე, მათ ასევე დაათვალიერეს ევროსტანდარტების შესაბამისი სასაზღვრო ინსპექციის პუნქტი, სადაც ხორციელდება სანიტარიული, ფიტოსანიტარიული და ვეტერინარული სასაზღვრო-საკარანტინო კონტროლი.
აღსანიშნავია, რომ ბოლო ერთი წლის მონაცემებით, სასაზღვრო-საკარანტინო კონტროლის ჩატარების შედეგად, დაახლოებით, 280 ტონა ტვირთის მიმართ აღმოჩენილი იქნა კანონმდებლობით დადგენილი იმპორტის მოთხოვნებთან შეუსაბამობა, რის შედეგადაც ტვირთი განადგურებას ან ექსპორტიორ ქვეყანაში გაბრუნებას დაექვემდებარა.
სასაზღვრო ინსპექციის პუნქტი გახსნილია ევროკავშირისა (EU) და გაეროს განვითარების პროგრამის (UNDP) მხარდაჭერით.