14 თებერვალს, ფინანსთა მინისტრი ივანე მაჭავარიანი მსოფლიო ბანკის მაკროეკონომიკის, ვაჭრობისა და ინვესტიციების გლობალური სექტორის მენეჯერს, სანდიიპ მაჰაჯანს (Sandeep Mahajan) შეხვდა, რომელიც საქართველოში სამუშაო ვიზიტით იმყოფება.
შეხვედრას დაესწრნენ მსოფლიო ბანკის რეგიონული დირექტორი სამხრეთ კავკასიაში, მერსი ტემბონი და ბანკის რეგიონული ოფისის წარმომადგენლები.
მხარეებმა განიხილეს ქვეყნის მაკროეკონომიკური პარამეტრები, საქართველოსა და მსოფლიო ბანკს შორის თანამშრომლობის საკითხები, მსოფლიო ბანკის მიერ ქვეყნისთვის პრიორიტეტული სექტორებისა და მიმართულებების მხარდაჭერის შესაძლებლობები.
მსოფლიო ბანკი საქართველოს ერთ-ერთი მნიშვნელოვანი დონორი საფინანსო ინსტიტუტია, რომლის დაფინანსებით ქვეყანაში ხორციელდება არაერთი ეკონომიკური რეფორმა. ასევე, მსოფლიო ბანკი მთავრობის პარტნიორია განათლების რეფორმის განხორციელების, ადამიანური კაპიტალის განვითარების პროცესში.
შეხვედრაზე მხარეებმა ერთმანეთს გაუზიარეს მოსაზრებები, როგორ უნდა გაგრძელდეს თანამშრომლობა აღნიშნული მიმართულებების მხარდასაჭერად.